A axuda consiste nunha contía que variará entre 300€ a 1.250€ dependendo dos criterios que cumpran os/as solicitantes.

• Para concellos de grao 0 (sen prioridade), e grao 1 : 300,00€ (trescentos euros).
• Para concellos de grao 2 e grao 3: 500,00 € (cincocentos euros).

Segundo a condición acreditada de discapacidade

• Concellos grao 0 (sen prioridade) ou grao 1 + discapacidade acreditada : 750,00 €.
• Concellos grao 2 e grao 3 + discapacidade acreditada: 1.000,00 €

Segundo a condición de familia numerosa

• Empadroamento concellos grao 0 ou 1; 300,00 € + 250,00 € = 550,00 €.
• Empadroamento concellos grao 2 ou 3; 500,00 € + 250,00 € = 750,00 €.
• Empadroamento concellos grao 0 ou 1, discapacidade igual ou superior ó 33%; 750,00 € + 250,00 € = 1.000,00 €.
• Empadroamento concellos grao 2 ou 3, discapacidade igual ou superior ó 33%; 1.000,00 € + 250,00 € = 1.250,00 €.

Para todos os nacementos/adopcións o constitución de tutela do ano 2025 poderase presentar a solicitude ata o 31 de decembro de 2025, agás os nacementos /adopcións ou tutelas que tiverán lugar entre o 1 de decembro e o 31 de decembro de 2025, que poderán facela ata o 15 de xaneiro de 2026.

Pódese presentar a través da opción Enviar Solicitude da páxina principal deste portal ou ben dende a App ChegOU dispoñible para dipositivos móbiles.

A presentación da solicitude pódese realizar empregando un certificado dixital.

• A persoa pode cubrir o formulario de solicitude dende o portal ChegOU ou a súa App, descárgalo e imprimir o pdf e presentalo persoalmente. Para ser identificado deberá ser presentado persoalmente pola persoa interesada no rexistro electrónico da Deputación, dun concello ou dunha oficina de correos.
• A persoa pode chamar ó 988 317 864 para tramitar a solicitude dende o seu dispositivo móvil a través da firma biométrica.
  1. Chama ao teléfono 988 317 864 e fixaremos unha cita para que presentes e firmes a solicitude do Programa ChegOu dende a túa casa, so cun móbil e a través da túa voz.
  2. Recibirás no teu correo electrónico e por whatsapp un enlace para ser atendido o día e hora que teñas solicitado, o que mellor se che adapte.
  3. O día e a hora da cita deberás facer click no enlace que recibiches para así ser atendido a través do teu móbil ou PC por un empregado público que cubrirá a túa solicitude on-line. Unha vez rematada poderás visionala no teu dispositivo e a asinarala coa túa voz.
  4. A túa voz será a túa sinatura biométrica vocal que quedará anexa á túa solicitude e deste xeito, presentarase ante o rexistro electrónico a través dun funcionario habilitado.
  5. No mesmo día, no teu correo e por whatssapp recibirás a túa solicitude rexistrada.
  6. Nun prazo máximo de sete días hábiles (no caso de que cumpras os requisitos solicitados para a concesión da axuda) recibirás no teu domicilio unha tarxeta prepago coa axuda que che corresponda para ser empregada en gasto sosiosanitario nas farmacias da provincia, así como en centros de audición, ópticas e ortopedias.
• Tamén dende o “CHUO, Complexo Hospitalario Universitario de Ourense” os/as solicitantes poderán facer a solicitude a través da “Tablet” do programa habilitada a tal efecto.

As persoas que carezan de medios tecnolóxicos ou que por calquera outro motivo non poidan cubrir a solicitude a través da páxina web ou aplicación do Programa, poderán dirixirse á Área de Benestar da Deputación de Ourense para xerar e presentar a súa solicitude:

• A través dunha entrevista persoal co funcionario.

Unha vez cuberta a solicitude, procederase á súa impresión e o solicitante presentaraa no rexistro electrónico da Administración provincial.

Para evitar que as persoas que carezan de medios tecnolóxicos ou que por calquera motivo non poidan cubrir a solicitude a través da web ou App do Programa ChegOU teñan que acudir á Deputación de Ourense, habilita a posibilidade de acudir ao departamento de servizos sociais dende o seu concello, sempre que dispoña dun convenio de “acompañamento dixital” coa administración provincial.

Os servizos sociais municipais cubrirán a solicitude, imprimirana e entregaralla ao solicitante para que a presente no rexistro electrónico do concello, evitando así desprazamentos á capital da provincia.

O cidadán que o precise poderá facelo dende a Área de Benestar da Deputación de Ourense, coa axuda dun funcionario habilitado para presentar a súa solicitude. Tamén poderá dirixirse aos concellos da provincia habilitados para presentala a través dos servizos sociais comunitarios municipais.

O cidadán terá que presentar cero papeis. Ningunha documentación. Non se terá que preocupar de recopilar o documento oficial do seu concello no que se acredita o empadroamento, nin ir ao Rexistro Civil, nin fotocopiar ningún outro documento oficial.

Dende a Área de Benestar da Deputación de Ourense solicitarase toda a documentación ás outras administracións a través da "interoperabilidade" entre administracións. Só naqueles casos en que non fose posible comprobar algún requisito, poderá solicitarlle documentación probatoria.

A Deputación Provincial tramitará nun máximo de 7 días, dende o día da presentación, as solicitudes que cumpran os requisitos, e enviará unha tarxeta co saldo do importe da axuda aprobada.

A tarxeta estará activa ata o 31 de maio de 2026. A partir desta data non poderá utilizarse.

A persoa beneficiaria da axuda recibirá unha tarxeta prepago que poderá gastar en farmacias ou parafarmacias, ópticas, centros de audición ou ortopedias da provincia de Ourense. A coantía deberá destinarse a gastos relacionados con productos hixiénicos, alimentarios ou de saúde.

Non. Está excluido o seu uso online e tampouco poderá utilizarse directamente en caixeiros automáticos nin na entidade financeira.

Dende o momento da presentación da solicitude, o cidadán poderá a través da administración electrónica, coñecer en todo momento cal é o estado da súa solicitude.